حفاظتی ٹیکے میں موجود مردہ یا کمزور کردہ جراثیم کی وجہ سے دفاعی نظام کو دو اقسام کے اوزار بنانے میں مد د ملتی ہے۔یعنی اینٹی باڈیز اوردفاعی یاد داشت     مستقبل میں اگر جسم میں وہی جراثیم اصلی شکل میں داخل ہو جائیں،تو یہ دونوں اوزار اکٹھے ہو کر ان  جراثیم کو پہچان لینگے اوران کے خلاف دفاع کر ینگے۔ حفاظتی ٹیکوں کو لینے کے بعد جسم کو مکمل تحفظ حاصل ہو جاتا ہے۔ اس کا مطلب یہ ہے کہ ایسے بچے حفاظتی ٹیکوں کے ذریعے انسداد شدہ بیماریوں میں کبھی  مبتلا نہیں ہوں گے۔ غیر معمولی صورت میں تحفظاتی ٹیکہ لگے ہوئے بچے پھر بھی بیمار ہو سکتے ہیں کیونکہ حفاظتی ٹیکہ کی مدد سے انہیں صرف جزوی تحفظ ہی حاصل ہوتا ہے۔ یہ معاملہ ان بچوں میں زیادہ عام ہوتا ہے جن کو صحت کا کوئی ایسا عارضہ لاحق ہو جس کی وجہ سے ان کے جسم کا دفاعی نظام متاثر ہو گیا ہو۔تاہم،ایسے  بچوں پر بیماری کا سامنا ہونے کی صورت میں بیماری کے ہلکے پھلکے علامات ہی سامنے آئینگے اور ایسے بچے بیماری کی شدید پیچیدگیوں میں مبتلا نہیں ہو نگے۔ اس کی مثال یہ ہے کہ سیٹ بیلٹ گاڑی چلاتے وقت آپ کی تحفظ کے لیے 100% موثر نہیں ہوتے مگر یہ آپ کے زخمی ہونے کے  خدشے کوکافی حد تک کم کر سکتے ہیں۔